Belangrike Inligting, Alles op Een Plek!
“Van skoolure tot uniforms, hier vind jy al die belangrikste inligting. Verken ons tariewe, skooltye, kleredragreëls en gereelde vrae — alles op een plek.”
Graad 4 – 7
Maandae tot Vrydae
07:45 – 14:00
Graad 1 – 3
Maandae tot Vrydae
07:45 – 13:15
Die skoolfooie betaalbaar oor 12 maande sien as volg daarna uit:
| Aantal Kinders | Maandeliks (Jan. – Des.) | Jaarlikse Totaal | Jaarlikse Betaling voor 31 Jan. 2025 |
| 1 Kind | R3 740 | R44 880 | R42 636 |
| 2 Kinders | R6 732 | R80 784 | R76 745 |
| 3 Kinders | R8 976 | R107 712 | R102 326 |
| 4 Kidners | R11 220 | R134 640 | R127 908 |
Voldag-nasorg (ná skool tot 18:00)
| Aantal Kinders | Maandeliks (Jan. – Des.) | Jaarlikse Totaal | Jaarlikse Betaling voor 31 Jan. 2025 |
| 1 Kind | R1 475 | R17 700 | R16 815 |
| 2 Kinders | R2 655 | R31 860 | R30 267 |
| 3 Kinders | R3 540 | R42 480 | R40 356 |
| 4 Kidners | R4 425 | R53 100 | R50 445 |
Mini-nasorg (ná skool tot 15:15)
| Aantal Kinders | Maandeliks (Jan. – Des.) | Jaarlikse Totaal | Jaarlikse Betaling voor 31 Jan. 2025 |
| 1 Kind | R643 | R7 716 | R7 330 |
| 2 Kinders | R1 157 | R13 889 | R13 194 |
| 3 Kinders | R1 543 | R18 518 | R17 592 |
| 4 Kidners | R1 929 | R23 148 | R21 991 |
Handboeke
Handboek-huurgeld beloop R450 per kind en R600 per gesin. Dit is betaalbaar teen einde Februarie.
Openbare- en skoolvakansie dae vir 2025
| 1 Jan 2025 | Nuwejaarsdag |
| 21 Mrt 2025 | Menseregtedag |
| 18 Apr 2025 | Goeie Vrydag |
| 21 Apr 2025 | Gesinsdag |
| 27 Apr 2025 | Vryheidsdag |
| 28 Apr 2025 | Openbare Vakansiedag |
| 29 Apr 2025 | Skoolvakansiedag |
| 30 Apr 2025 | Skoolvakansiedag |
| 1 Mei 2025 | Werkersdag |
| 2 Mei 2025 | Skoolvakansiedag |
| 16 Jun 2025 | Jeugdag |
| 9 Aug 2025 | Nasionale Vrouedag |
| 24 Sep 2025 | Erfenisdag |
| 16 Des 2025 | Versoeningsdag |
| 25 Des 2025 | Kersdag |
| 26 Des 2025 | Welsynsdag |
Wat is ons algemene vorm van kommunikasie met die ouers?
WhatsApp is hoe ons met ons ouers kommunikeer. Elke juffrou het ‘n WA klasgroep waarop alles omtrent die klas en/of skool gestuur word. E-posse word ook van tyd tot tyd gebruik maar is nie die primêre kommunikasie kanaal nie.
Wat is ons skool se geloofsoortuiging?
Ons skool is nie verbonde aan enige gemeente of geloofsinstansie nie. Ons het wel ‘n geloofsbelydenis waaraan ons personeel en ouers onderskryf. Ons verkonding nie ‘n spesifieke teologie of dogma nie. Ons glo dat die Bybel ons riglyn is. Ons is ‘n dissippelskapskool, en daarom is die hart van die skool om ons kinders te lei om as dissippels van Jesus te leef.
Hoeveel kinders is daar per klas?
Ons het slegs een klas per graad. Meeste van ons klaskamers het plek vir net 18 kinders. In uitsonderlike gevalle en veral in die Grondslagfase klaskamers kan ons 20 leerders akkomodeer.
Is HCS ‘n remediërende skool?
Nee ons is nie. Ons ondersteun wel inklusiewe onderrig in soverre mate dit binne ons vermoë is om die nodige ondersteuning te bied. Leerders wat ernstige hulp nodig het om skolasties te vorder word deur ons, indien nodig, na skole verwys wat die nodige ondersteuning kan bied.
Aan wie behoort ons skool?
Die skool behoort eerstens aan die Here. Die skool word bestuur deur ‘n verteenwoordiging van ouers, naamlik die Ouer Diensliggaam (ODL). Ons behoort aan geen individu of instansie nie. Ons is wel geregistreer by Umalusi wat na onafhanklike skole omsien namens die WKOD.
Hoekom laat ons nie selfone by die skool toe nie?
Ons is ‘n selfoonvrye skool. Ons glo kinders moet nog pouses speel in plaas daarvan om op selfone tyd te spandeer. Hebron het die ideale buitearea waar daar pouses gespeel kan word. Ons het wel rekenaarklasse, so die kinders kry oorgenoeg blootstelling aan tegnologie. Ons het wel op ‘n stadium toegelaat dat ons graad 7s hulle selfone skool toe kan bring. Maar sommer baie vining was daar voorvalle wat veroorsaak het dat ons die besluit verander.
Na watter hoërskole toe gaan ons kinders in Graad 8?
Ons Graad 7’s doen aansoek by ‘n verskeidenheid van hoërskole. Weens ons hoë akademiese standaarde pas ons leerders maklik aan by die tempo en vereistes van Graad 8.
Watter sport bied ons aan?
Somersport: Atletiek, Swem, Krieket
Wintersport: Netbal, Rugby, Hokkie
Hoe hanteer ons dissipline?
Ons het ‘n dissipline beleid wat as riglyn dien vir die hantering van insidente. Ons glo dat ons dissipline hanteer vanuit die beginsel van goeie keuses. Ons sal die nodige gesprekke met die leerders hê en hulle weer bewus maak van die belangrikheid van hoe keuses hetsy positief of negatief sekere implikasies en gevolge het. Ons gebruik die Bybel as ons riglyn.
Watter ander aktiwiteite bied ons aan (waarvoor ouers moet betaal)?
Dans, Skaak, Drama, Pottery, Sokker
Hoeveel fondsinsamelings hou ons per jaar?
Ons poog om fondsinsamelings te beperk tot slegs 1 groot insameling aan die einde van elke jaar. Tydens die 4de kwartaal het ons ‘n Vrydaand oorslaap by die skool met ‘n Pretloop die volgende oggend. Ons ouers en kinders neem hieraan deel met borge per rondte / afstand afgelê. Dit is dus vir ons belangrik dat ons ouers die skoolfooie per maand betaal wat volgens die begroting aangewend word vir die bestuur van die skool.
